Сәкен Сейфуллин атындағы жалпы орта мектебі 1946 жылы бастауыш білім ұясы негізінде қабырғасы қаланып, қазіргі күні Созақ ауданындағы іргелі мектептердің қатарында. 

1951 - 1956 жылдар аралығында 7 жылдық орыс - қазақ мектебі «Жуантөбе» деп аталынды.

1959 жылдан бастап білім ұясының негізгі бағдары орта білім беретін мектепке алмастырылды. Сол жылдары мектеп қабырғасы жанынан малшы балалары жатып оқитын интернат салынып, пайдалануға берілді.

1965 жылы мектепке кеңестік қазақ прозасымен поэзия жанрының қас шебері Сәкен Сейфуллиннің есімі берілді.

2009 жылы екі қабатты 622 орынға арналған жаңа ғимарат салынып қолданысқа берілді. Оқушылар 2 ауысымда оқиды. Мектептің материалдық - техникалық базасы жаңартылған. Мектепте екі компьютер кабинеті, бір мультимедиалық кабинет, бір медициналық кабинет, екі спорт залы, бір Акт залы және асхана оқушыларға жұмыс істейді. Қашықтықтан оқыту қондырғысы бар. Толықтай ғаламтор жүйесіне қосылған. Қазіргі таңда оқушы саны: 550, 29 сынып комплектісі бар.

Алдағы уақытта әлемдік талаптарға сай бәсекеге қабілетті, білімді, саналы азаматтар тәрбиелеп, өз өрісін кеңейте беретініне сеніміміз мол. Өркениет талап етіп отырған таяу болашаққа деген мектебіміздің негізгі ұстанымы осы.